VIÐTAL

Þjónustuhundar

Ég tók viðtal við Drífu Gestsdóttur, Auði Björnsdóttur og Rut Vestmann þar sem þær hafa allar reynslu af þjónustuhundum. Ég sendi þeim tölvupóst og bað þær um að svara nokkrum spurningum sem ég lagði fyrir þær. Ég vildi vita aðeins meira um þjónustuhunda og spurði þær meðal annars um kostnað hundanna, hvað tekur langan tíma að þjálfa og hver er munurinn á þjónustuhundum og heimilishundum. Þetta er samantekt yfir svörin sem ég fékk. 
Fólk sem er með t.d. blindu, flogaköst eða stríðir við einhverja erfileika getur nýtt sér þjónustuhunda sér til hjálpar. Það eru til leiðsöguhundar, blindrahundar og almennir hjálparhundar. Sumir halda að heimilishundar séu það sama og þjónustuhundar en það er ekki rétt því þjónustuhundar eru vel þjálfaðir hundar og þeir truflast ekki jafn auðveldlega af umhverfinu. Einnig geta þjónustuhundar gefið eigandanum meira frelsi með því að t.d. opna og loka hurðum, sækja hluti og kveikja á ljósum. Hundarnir hjálpa líka við að ýta undir daglega hreyfingu og er góður félagsskapur fyrir fólk sem á ekki vini. Í dag eru bara tveir sérmenntaðir þjálfarar á landinu, þær Drífa Gestsdóttir og Auður Björnsdóttir. Það er mikil eftirspurn eftir þessum hundum og aðeins 8 starfandi hundar eru á landinu.
Það tekur um 8-10 mánuði að þjálfa hundana og þeir eru tveggja ára þegar þeir eru tilbúnir til afhendingar. Þegar hundurinn hefur náð tveggja ára aldri eða réttara sagt, er orðinn tilbúinn í starfið, þá byrjar hann á að koma í stuttar heimsóknir, vera heilan dag, gista eina helgi, og svo smátt og smátt kemur hann sér fyrir á nýja heimilinu sínu. Eftir nokkrar vikur verður hann svo tilbúinn til afhendingar. Leiðsöguhundar kosta um 3,5 milljónir en almennur hjálparhundar rétt undir 2 milljónum. Algengustu tegundirnar eru Labrador og Golden Retriever og blöndur af þeim tveim tegundum. En það er hægt að nota allar tegundir því það er í raun upplagið og geðslagið í einstaklingnum sem er aðalatriðið. Það skiptir ekki máli hvort að þetta sé hundur eða tík því hundarnir eru geldir og tíkurnar teknar úr sambandi.
Það eru óskráðar reglur um þjónustuhunda og það er að láta þá í friði þegar þeir eru í vinnunni sinni. Samkvæmt reglugerð um hollustuhætti (nr. 941/2002) má starfandi leiðsöguhundur fara með notanda sínum á alla þá staði sem opnir eru almenningi. Má þar nefna allar verslanir, veitingastaði, gististaði, sundstaði, íþróttahús, leikhús, strætisvagna og flugvélar. Notandi á ekki að þurfa að borga undir hundinn þegar ferðast er með hann í samgöngutækjum (t.d. í flugvél) og skal hundurinn ávallt fylgja notanda, og má ekki  vera settur í farangursgeymslu.
Þjónustuhundar eru mikilvægur partur af lífi fólks sem þarf á þeim á halda. Þeir gefa svo mikið af sér sem fólk fattar ekki að hann gerir. Hann er vinur manns sem er alltaf við hlið manns.

Josh Billings